فاكر مره روحت الاسكندريه ، المره الوحيده اللي زرت فيها الاسكندريه ، كانت في شهر مارس اللي فات ، كانت زياره قصيره استغرقت يومين ، روحتها في عز مشكلة فسخ خطوبتي ، فاكر وقتها اني كنت معزوم على فرح ابن خالتي و اني كنت طول الفرح بحاول ما أعيطش .. ماهو استهبال ان خطوبتك بتتفسخ و تروح تحضر فرح .. ما علينا .
لما بعيد تفكير في موضوع خطوبتي .. بكتشف ان اكبر عيب فيا كان اني مش معايا فلوس كفايه ، الغريب ان بعد فسخ خطوبتي .. الفلوس بقيت معايا كتير .. لقيت شغل بشتغله من أوضتي ، من جهاز الكمبيوتر بتاعي ، و في المجال اللي بحبه و بعشقه ، الصحافه . ده غير كمان ان مرتبي كبير ، و بشتغل في أكتر من مكان لدرجة اني فعليا ( مش ملاحق ع الشغل ) .. الكلام ده بدأ يحصل من بعد ما خطوبتي ما اتفسخت بوقت قصير ، بفكر .. مش غريبه ؟ .. يعني لما كنت هموت على 100 جنيه تسد خانه في خطوبتي ، ما الاقيش ، و لما خطوبتي تتفسخ ، تبقى الفلوس معايا كتير كده ! .. شيء بجد عجيب .
في البدايه كنت اقبض الفلوس و ارميها في درج المكتب بتاعي و انا قرفان و متضايق ، و اقعد متغاظ لدرجة اني ساعات ببكي من الغيظ ، و أقول ليه يارب ؟ .. انا مش فاهم اي حاجه ! .. انا فعليا (متزاول) يا رب .
قعدت أسأل كده كتير ، لغاية بصراحه ما بدأت أقتنع واحده واحده ، ان ساعة الحياه مش متظبطه ، و انها بتديك الحاجه في التوقيت بتاعها مش في التوقيت بتاعك .. ايه السر ؟ .. الله اعلم .. بس هي كده .. ما فيهاش حلول وسط .. يا تتلعب .. ياماتتلعبش .. روحت بقى ماسك الفلوس دي وبدأت أصرف بقى .. إكتشفت ان الفلوس ممتعه و بتسلي .. حقيقي بجد .. بتحسسك بنجاحك و بإنك بتعمل شيء .. أينعم أوقات كتير بترجع البيت بالليل تبص على موبايلك و ما تلاقيش رساله من كائن حي بيحبك ، و تنام من غير ما يكون عندك أدنى فكره انت عايش ليه او ايه هدفك في الحياه ، و تسمع نصايح عجيبه من نوعية ( اصنع هدفك بنفسك ) و ( خلي هدفك تكون أحسن واحد في الدنيا ) و الكلام بتاع الناس النحيته دول .. بس الحقيقي انك ما بتبقاش سعيد .. ليه ؟ .. عاطفيا مش متظبط .. احنا كائنات عاطفيه اساسا .. وجينا الدنيا نتيجه علاقه اجتماعيه رومانسيه .. انا عايز اقول ايه من التدوينه دي ؟ .. همممممم .. ممكن الفلوس تبقى جميله و مسليه .. انما الفلوس مش كل حاجه .. ممكن العمل في وظيفة احلامك يبقى شيء عظيم .. بس طالما مفيش مشروع مهم في حياتك بتسعى له يبقى مش هتفرق معاك كتير .. ممكن تحقيق الذات يكون هدف .. لكن عشان تحقق ذاتك بجد لازم تحققها ماديا و عاطفيا .. كل اللي بقوله مجرد كليشيهات قديمه ؟ .. جايز .. بس يمكن لأول مره أصدق الكليشيهات دي و أفهمها بجد .
لما بعيد تفكير في موضوع خطوبتي .. بكتشف ان اكبر عيب فيا كان اني مش معايا فلوس كفايه ، الغريب ان بعد فسخ خطوبتي .. الفلوس بقيت معايا كتير .. لقيت شغل بشتغله من أوضتي ، من جهاز الكمبيوتر بتاعي ، و في المجال اللي بحبه و بعشقه ، الصحافه . ده غير كمان ان مرتبي كبير ، و بشتغل في أكتر من مكان لدرجة اني فعليا ( مش ملاحق ع الشغل ) .. الكلام ده بدأ يحصل من بعد ما خطوبتي ما اتفسخت بوقت قصير ، بفكر .. مش غريبه ؟ .. يعني لما كنت هموت على 100 جنيه تسد خانه في خطوبتي ، ما الاقيش ، و لما خطوبتي تتفسخ ، تبقى الفلوس معايا كتير كده ! .. شيء بجد عجيب .
في البدايه كنت اقبض الفلوس و ارميها في درج المكتب بتاعي و انا قرفان و متضايق ، و اقعد متغاظ لدرجة اني ساعات ببكي من الغيظ ، و أقول ليه يارب ؟ .. انا مش فاهم اي حاجه ! .. انا فعليا (متزاول) يا رب .
قعدت أسأل كده كتير ، لغاية بصراحه ما بدأت أقتنع واحده واحده ، ان ساعة الحياه مش متظبطه ، و انها بتديك الحاجه في التوقيت بتاعها مش في التوقيت بتاعك .. ايه السر ؟ .. الله اعلم .. بس هي كده .. ما فيهاش حلول وسط .. يا تتلعب .. ياماتتلعبش .. روحت بقى ماسك الفلوس دي وبدأت أصرف بقى .. إكتشفت ان الفلوس ممتعه و بتسلي .. حقيقي بجد .. بتحسسك بنجاحك و بإنك بتعمل شيء .. أينعم أوقات كتير بترجع البيت بالليل تبص على موبايلك و ما تلاقيش رساله من كائن حي بيحبك ، و تنام من غير ما يكون عندك أدنى فكره انت عايش ليه او ايه هدفك في الحياه ، و تسمع نصايح عجيبه من نوعية ( اصنع هدفك بنفسك ) و ( خلي هدفك تكون أحسن واحد في الدنيا ) و الكلام بتاع الناس النحيته دول .. بس الحقيقي انك ما بتبقاش سعيد .. ليه ؟ .. عاطفيا مش متظبط .. احنا كائنات عاطفيه اساسا .. وجينا الدنيا نتيجه علاقه اجتماعيه رومانسيه .. انا عايز اقول ايه من التدوينه دي ؟ .. همممممم .. ممكن الفلوس تبقى جميله و مسليه .. انما الفلوس مش كل حاجه .. ممكن العمل في وظيفة احلامك يبقى شيء عظيم .. بس طالما مفيش مشروع مهم في حياتك بتسعى له يبقى مش هتفرق معاك كتير .. ممكن تحقيق الذات يكون هدف .. لكن عشان تحقق ذاتك بجد لازم تحققها ماديا و عاطفيا .. كل اللي بقوله مجرد كليشيهات قديمه ؟ .. جايز .. بس يمكن لأول مره أصدق الكليشيهات دي و أفهمها بجد .
