النهارده صحيت من النوم حاسس ان اليوم ممكن يكون جميل .. لغاية لما دخلت ع الفيس .. مش عارف ايه اللي خلاني ادخل على بروفايل مي .. انا اساسا ما عدتش ضايفها .. بس اهو دخلت اشوف البروفايل .. اخر مره شفت البروفايل بتاعها كان من شهر او اكتر .. البروفايل ما اتحدثش من قبل ما خطوبتي معاها تتفسخ .. دخلت النهارده .. لقيت البروفايل بتاعها اتحدث من اربع ايام .. يعني كانت موجوده ع الفيس من اربع ايام .. يا ترى بصت على البروفايل بتاعي ؟ .. كانت عامله شوية كويزات غبيه كده من الكويزات الرخمه بتاعت تحليل الشخصيه .. و بعدين كانت كاتبه كومنت عند واحده من الفريند بتقول فيه :
(ان تحيا بالحب اسمى من ان تموت منه)
يا ترى كان قصدها حاجه ليها علاقه بيا ؟ .. اسقاط معين على علاقتنا المنتهيه ؟ .. وات ايفر .. هتفرق ؟ .. مش عارف .. بس أكيد مش هتفرق .. خلاص القصه انتهت .. ساعات كتير بفكر اتصل بيها ..
الاشتراك في:
تعليقات الرسالة (Atom)
ليست هناك تعليقات:
إرسال تعليق